कन्यादान योजना महाराष्ट्र, लग्नासाठी 20 हजार रु. मिळणार : Kanyadan Yojana Maharashtra 2023

मित्रांनो, लग्नासाठी शासनाकडून मदत मिळणार अशा प्रकारची एखादी योजना तुम्हाला माहिती आहे का ? जर नसेल, तर हा लेख शेवटपर्यंत वाचा. आज आपण कन्यादान योजनेबद्दलची (Kanyadan Yojana) संपूर्ण माहिती या लेखामध्ये पाहणार आहोत.

कन्यादान योजना काय आहे ?

लग्न समारंभावर होणारा अपव्यय खर्च टाळण्यासाठी शासनाच्या समाजकल्याण विभागामार्फत सुरू करण्यात आलेली एक महत्त्वाची योजना म्हणजे कन्यादान योजना होय.

योजना नाव	कन्यादान अनुदान योजना
लाभार्थी राज्य	महाराष्ट्र
लाभार्थी वर्ग	नवदाम्पत्य (वधू-वर)
लाभस्वरूप	20 रु. हजार आर्थिक मदत
विभाग	समाजकल्याण विभाग

कन्यादान योजनेच्या माध्यमातून अनुसूचित जाती, विमुक्त जाती, भटक्या जमाती, विशेष मागास प्रवर्ग व इतर मागास प्रवर्गातील लाभार्थी जोडप्यांच्या पालकांना 20 हजार रुपये आर्थिक मदत त्याचप्रमाणे विवाह आयोजित करणाऱ्या स्वयंसेवी संस्थांना 4 हजार रुपये इतकी मदत शासनामार्फत केली जाते.

Kanyadan yojana अटी व शर्ती

• नवविवाहित जोडपं (वधू-वर) महाराष्ट्र राज्याचे रहिवासी असावेत.
• वराचे वय 21 वर्ष व वधूचे वय 18 वर्षापेक्षा कमी असू नये.
• कन्यादान अनुदान योजना वधू-वरांच्या प्रथम विवाहासाठीच देण्यात येईल.
• सामूहिक विवाह सोहळ्याअंतर्गत लग्न समारंभ पार पाडण्यासाठी कमीत कमी 10 जोडप्याची (20 वर व 20 वधू) आवश्यकता.
• वधू-वर यापैकी एक किंवा दोघेही अनुसूचित जाती, विमुक्त जाती, इतर मागास प्रवर्ग, भटक्या जमाती, विशेष मागास वर्गातील असावेत.

योजना कोणासाठी असणार ?

या योजनेसाठी फक्त महाराष्ट्र राज्यातील अनुसूचित जाती, विमुक्त जाती, भटक्या जमाती, इतर मागास प्रवर्ग, विशेष मागास प्रवर्गातील विविध जातीमधील अर्जदार अर्ज करू शकतात.

अर्जासाठी आवश्यक कागदपत्र

• पती-पत्नी ओळखपत्र
• विवाह नोंदणी दाखला.
• उत्पन्न दाखला
• दारिद्र्यरेषेखालील दाखला.
• रहिवासी प्रमाणपत्र.
• विधवाबाबतीत मृत्यू प्रमाणपत्र.
• विहित नमुन्यातील अर्ज

कन्यादान योजनेसाठी अर्ज कसा करावा ?

Kanyadan Yojana मध्ये अर्ज करण्यासाठी विवाहोत्सुक जोडप्यांनी कन्यादान योजनेअंतर्गत सामूहिक विवाह सोहळ्यामध्ये सहभाग नोंदवावा. विवाहानंतर वधू-वर किंवा सामूहिक विवाह संस्था यांच्यामार्फत समाजकल्याण विभागाकडे अनुदानासाठी प्रस्ताव पाठविला जातो व संबंधित जोडप्याना तसेच संस्थेला अनुदान दिलं जात.